कहति जसोदा कौन विधि, समझाऊँ अब कान्ह।

भूलि दिखायो चंद मैं, ताहि कहत हरि खान।

यहै देत नित माखन मोको। छिन छिन देति तात सो तोको

जो श्याम तुम चंद को खैहो। बहुरो फिर माखन कह पैहो?

देखत रहौ खिलौना चंदा। हठ नहिं कीजै बाल गोविंदा

पा लागौ हठ अधिक न कीजै। मैं बलि, रिसहि रिसहि तन छीजै।

जसुमति कहति कहा धौं कीजै। माँगत चंद कहाँ ते दीजै।

तब जसुमति इक जलपुट लीनो। कर मैं लै तेहि ऊँचों कीनो

ऐसे कहि स्यामै बहरावै। आव चंद, तोहि लाल बुलावै

हाथ लिए तेहि खेलत रहिए। नैकु नहीं धारनी पै धारिए।

                             ब्रजवासी दास